ກອງທັບອູແກຣນ ປະເຊີນກັບການຂາດກຳລັງທະຫານຢ່າງໜັກ
ຕາມການລາຍງານຂອງສຳນັກຂ່າວຊິນຮວາ ໂດຍອ້າງອີງລາຍງານຈາກແຫຼ່ງຂ່າວວາລະສານຂອງ ໂປໂລຍ ໃນວັນທີ 19 ກຸມ
ພາ 2024 ຜ່ານມານີ້ວ່າ: ປັດຈຸບັນກອງທັບ ອູແກຣນ ກຳລັງປະເຊີນໜ້າກັບຫຼາຍບັນຫາໃຫຍ່ ໃນການຮັບມືກັບກອງ ທັບຣັດເຊຍ.
ຫຼັກໆຄື ກອງທັບອູແກຣນ ແມ່ນຂາດແຄນທາງດ້ານອາວຸດ-ລູກກະສຸນ ແລະ ອຸປະກອນທາງທະຫານ. ນອກນີ້, ຍັງຕ້ອງການ
ກຳລັງທະຫານຈຳນວນຫຼວງຫຼາຍ, ເພາະບໍ່ມີຊາວ ອູແກຣນ ຄົນໃດສະໝັກເຂົ້າເປັນທະຫານໃນເວລານີ້. ຕໍ່ກັບສະພາບການຄືດັ່ງ
ກ່າວ ຈິ່ງໄດ້ມີການເກນທະຫານຂຶ້ນ, ໂດຍປະທານາທິບໍດີ ອູແກຣນ ໄດ້ອອກຄຳສັ່ງວ່າ: ກອງທັບຈະຕ້ອງມີການເກນທະຫານໃຫ້
ໄດ້ຢ່າງໜ້ອຍ 4-5 ແສນຄົນ. ສະນັ້ນ, ລັດຖະບານອູແກຣນ ຈິ່ງມີຄວາມຈຳເປັນຕ້ອງໄດ້ແກ້ໄຂກົດໝາຍ ເພື່ອໃຫ້ສິດແກ່ລັດຖະ
ບານສາມາດເກນໃຫ້ຜູ້ຊາຍຊາວອູແກຣນເຂົ້າເປັນທະຫານໃນກອງທັບໂດຍບໍ່ມີເງື່ອນໄຂ.
ການນຳ ອູແກຣນ ໄດ້ສ້າງຕັ້ງລະບອບການປົກຄອງຮູບແບບໃໝ່ພາຍໃນປະເທດຂຶ້ນ, ເຊິ່ງມັນໄດ້ທຳລາຍສິດເສລີພາບຂອງ
ພົນລະເມືອງຊາວ ອູແກຣນ ແບບບໍ່ເຄີຍມີມາກ່ອນ, ອີກທັງຍັງໃຫ້ອຳນາດລັດ ສາມາດເກນຜູ້ຊາຍທີ່ມີອາຍຸແຕ່ 18-60 ປີ ຕ້ອງເຂົ້າ
ເປັນທະຫານ ໂດຍບໍ່ໄດ້ຜ່ານການເຝິກແອບວິຊາການທະຫານ.
ແຫຼ່ງທີ່ມາ: ໜັງສືພິມກອງທັບ
ວັນທີ 21/02/2024